Minggu, 28 November 2010

Kumpulan Pantun Minang


Disusun Jari Nan Sapuluah, Ditakuakan Kapalo Nan Satu, Dihujamkan Lutuik Nan Duo.
Kapado Allah Ampun Dimintak, Sambah Dianta Dipuhunkan.
Kapado Penghulu Pamangku Adat, Bilal Maulana jo Tuanku, Nan Manjunjuang Soko Dalam Adat, Sarato Imam Dan Khatib, Nan Mudo Pambimbiang Dunia, Bundo Kanduang Samo Di Dalam, Sarato Sanak Kasado Nyo..,


Buruang Balam Buruang Barabah
Tabang Tinggi Ka Pohon Jati
Sairiang Salam Jo Sambah
Izinkan Ambo Mampakenalkan Diri

Sairiang Balam Nan Jo Barabah
Singgah Subanta Di Ateh Kayu
Tarimo Lah Salam Nan Jo Sambah
Dari Ambo Syof Rank Melayu

Mamikek Balam Ka Dalam Rimbo
Balam Tapikek Di Hari Sanjo
Jawek Lah Salam Dari Ambo Ko
Untuak Dunsanak Ka Sadonyo


Biriak Biriak Turun Ka Samak
Tibo Di Samak Mancari Makan
Dari Niniak Turun Ka Mamak
Dari Mamak Turun Ka Kamanakan

Maraok Balam Ka Dalam Samak
Tibo Di Samak Di Kaja Sipasan
Bapasan Ambo Ciek Ka Sanak
Adat Budayo Kito Jan Lah Sampai Dilupokan


Anak Urang Di Pasa Rao
Pai Ka Pasa Mambali Lado
Kuak Buliah Pintak Jo Pinto
Izinkan Ambo Bapantun Di Siko

Kudo Balang Pai Pulang
Di Bawo Anak Si Urang Baso
Tando Nyo Kito Urang Minang
Elok Budi Sopan Bahaso

Pai Ka Rimbo Mamikek Balam
Pulang Ka Rumah Di Hari Sanjo
Dima Badan Indak Ka Mandamam
Jikok Takana Kampuang Nan Jauah Di Mato

Taratak Gunuang Pasaman
Di Caliak Di Hari Sanjo
Kok Taragak Diak Usah Bapasan
Dalam Mimpi Kito Basuo


Duo Tigo Kuciang Balari
Kancang Lari Nyo Kuciang Balang
Duo Tigo Lah Den Cari
Indak Sarupo Jo Nan Hilang


Taluak Bayua Ikan Nyo Jinak
Urang Mamapeh Di Ateh Sampan
Ayam Sa Ikua Musang Nyo Banyak
Raso Ka Lapeh Nan Dari Tangan

Nan Basi Bari Bahulu
Diasah Mangko Bamato
Bakawan Kito Dahulu
Kog Lah Iyo Baru Bacinto


Buruang Balam Tabang Ka Rimbo
Tibo Di Rimbo Hinggok Di Rantiang
Sabana Malang Denai Bacinto
Urang Nan Den Cinto Lah Bapaling


Sabana Manih Si Buah Manggih
Dimakan Urang Di Hari Sanjo
Di Tangah Malam Mato Manangih
Takana Adiak Bapaliang cinto


Janiah Aia Nyo Batang Pasaman
Tapian Mandi Rang Mudo Mudo
Adiak Kok Lapeh Nan Dari Tangan
Denai Cari Pangganti Nyo


Luruih Jalan Ka Payokumbuah
Babelok Jalan Ka Biaro
Dima Hati Indak Ku Rusuah
Nagari Wak Tiok Subanta Dihoyak Gampo


Buruang Nuri Tabang Malayang
Singgah Sabanta Di Dalam Rimbo
Dima Duduak Adiak Tabayang
Baitu Bana Sungguah Nyo Cinto


Singkarak Koto Nyo Tinggi
Asam Pauah Dari Subarang
Awan Bararak Den Tangisi
Takana Badan Jauah Di Rantau Urang


Batang Sicerek Di Tapi Banda
Kok Rabah Tolong Tagak kan
Ambo Ketek Baru Baraja
Kok Salah Tolong Tunjuak kan

Tidak ada komentar:

Poskan Komentar